KU SHKOJNË TË ARDHURAT E EVENTIT?

Të ardhurat neto të realizuara nga ky event shkojnë si kontribut për komunitetin, si një tjetër mënyrë tranformimi pozitiv në jetën e  pjesëtarëve të shoqërisë shqiptare.

​Si një përpjekje për të kontribuar edhe për shtresat në nevojë të shoqërisë shqiptare, të gjitha të ardhurat neto nga ky event përdoren për projekte bamirësie.

​Kështu në përfundim të eventeve të viteve 2016, 2017 dhe 2018, e në bashkëpunim me institucione të specializuara, stafi organizator i programit “Rruga drejt suksesit” ka shqyrtuar dhjetra situata në nevojë për të përzgjedhur më pas rastet që kërkonin ndërhyrje më emergjente.

​Këto raste të përzgjedhura kanë qënë ato të institucioneve të kujdesit për fëmijët jetimë në qytetin e Durrësit. Pikërisht këto mjedise, ku jetojnë fëmijë të cilëve jeta u ka rezervuar mungesën e ngrohtësisë prindërore e të vatrës familjare, u vlerësuan dhe më pas u transformuan në “shtëpi familje” duke u krijuar fëmijëve kushte më të përshtatshme për rritjen dhe zhvillimin, element i cili përkon edhe me vetë misionin e programit “Rruga drejt suksesit”.